博多拉麵別天神 (已結業)

黎到灣仔區，想食個快飯。朋友想食日本野，咁岩又見到呢間博多拉麵別天神，又好耐無食拉麵，就入去試下喇。好有日本feel既門面，行過好易認到。 店舖內在環境不大，得幾個座位，類似日本嘅街頭拉麵店。 雖然店舖唔大，但係配料齊全。有芝麻，蒜泥，七味粉及 子薑等等。 拉麵款式唔多，我哋，叫咗兩個拉麵兩款小食。小食為小龍蝦蟹子沙律， 估唔到呢個沙律又真係幾好食喎。沙律混入咗小龍蝦，入口有啖啖嘅小龍蝦肉，小龍蝦鮮味出衆。加埋脆脆嘅紫菜一齊食回味無窮。豚骨拉麵湯底有好濃豚骨味，好香亦夠清甜。 日式叉燒大大塊，分量足。溏心蛋亦做得唔錯，蛋白夠軟熟，蛋黃程半熟狀態，流心感佳。 蝦味噌豚骨拉麵，只係比豚骨拉麵多咗啲櫻花蝦 所以 湯底方面亦混合咗櫻花蝦嘅蝦味。湯底比豚骨拉麵既湯底更加惹味，但冇咁清甜。湯底加入咗粟米粒增加好感。 兩碗拉麵，用既拉面底均為幼麵，食落比較林身而無咁煙靭。個人就比較好食粗嘅拉麵，咁樣口感會更加出衆。 餃子係其中一款小食，而餃子煎得好香好脆，皮薄餡靚，係餃子汁一般。最後一提既係佢呢度有免費既芽菜小食。 辣味芽菜醃製得好入味，雖然辣味重，但入口非常惹味，配合拉麵一齊食確係一流。