大街小館 (已結業)

今日和家人行吓油尖旺，因為午餐都食得幾豐富，大家都諗住食D嘢就唔洗食晚餐，最近天氣轉熱，最啱食吓冰凍甜品，行到裕華國貨附近有間甜品舖大街小館，一於食番個甜品下午茶當晚餐。先來榴槤拿破侖配榴槤雪糕，榴槤饀很足份量，拿破侖薄脆香口。懷舊糖不甩熱辣辣加埋花生芝麻，香甜可口，重拾童年小食感覺。黑糖芋圓仙草凍好有質感，又可揀球雪糕，我揀了榴槤雪糕，芋圓大粒又煙韌，仙草凍很爽口，配合清甜黑糖，美味又滿足嘅甜品。再來一杯清甜椰皇水，清涼滋潤，夠晒解渴清熱。