HAND3AG (中環街市) (已結業)

近排比起Bagel，更多鍾意食三文治/多士，呢排成日見到人食爆多餡既鐵板三文治，真心有被吸引到。🔸歐陸監獄鐵板三文治🥬餡料：芝士通心粉、蕃茄肉丸、炸薯餅、甘藍菜沙律、荷包蛋、H3燒烤醬蕃茄肉丸酸甜滋味，芝士通心粉無想像中膩口，炸薯餅同荷包蛋令到味道昇華。本來見到有肉丸、有薯餅又有芝士感覺一定好重口味，但其他係三份入面比較清新既一款，可能同醬汁有關。🔸法國飛甩鴨毛腿鐵板三文治🥬餡料：油封鴨腿肉、醋漬胡蘿蔔、蜜柑肉、炸洋蔥圈、青瓜、焦糖洋蔥蛋黃醬、意大利黑醋醬、芥末籽蛋黃醬鴨腿肉已經起骨，食落好惹味，夠晒鹹香。但配上清甜既蜜柑肉同醋漬胡蘿蔔，令到油膩感大大減低，加上炸洋蔥圈、青瓜等食落口感非常唔錯。雖然有三種醬汁，但味道唔會好混亂。🔸OPPA炸雞鐵板三文治🥬餡料：甜辣炸雞、醋漬蘿蔔絲、馬蘇里拉芝士、泡菜、羅馬生菜、俄式蛋黃醬、H3燒烤醬食第一啖既感想就係好韓風。因為所有配料加埋一齊好似食緊韓式燒肉菜包肉咁，只係變左三文治版。不過係好食既，雞肉既份量都好足，而且雞肉都嫩滑。🔸炸魷魚(配士拉差蛋黃醬) + 手切粗薯條炸魷魚好香好香好香，由買到拎番屋企都一直好香。配埋蛋黃醬食唔錯。薯條不過不失。