火山燒 (已結業)

同朋友去到銅鑼灣食晚飯，當然要選擇質素高嘅餐廳。今次去到高質日式燒肉嘅火山燒，淨係望見啲擺設同食物選擇，都覺得豐富。點菜之後好快已經上菜，款款串燒排列整齊，尤其以宮崎和牛賣相最吸引，脂肪紋理分明，係火爐上燒不用一分鐘，都品嚐到嫩滑嘅口感。而其他肉食方面，大蔥雞肉亦大力推介，大蔥嘅香味係火力之下揮發出黎，雞肉亦有豐富嘅肉汁，兩者二合為一，每人食兩三串都唔過份。海鮮方面嘅選擇都唔少，青口、生蠔、墨魚嘴等等都一有供應，而且隻隻份量夠大，鮮味亦十足，係明火燒之下，更令香味更加豐盛。除咗明火燒食物之外，亦都有迷你火鍋選擇，我地揀左人參雞湯，用上整隻雞隻做湯底，湯底味道鮮甜。之後仲可以加上牛肉、豚肉等食材，更可食到更豐富嘅食物種類。