金滿膳燒味餐室 (已結業)

行開牛頭角經過呢間餐廳，都係普通茶餐廳風格門面，不過見好似幾多人食，同埋咁啱又想食燒味喎，所以就入去試下。餐牌嘅選擇都算幾多嘅，除咗燒味都有常餐可以選擇。但係我都係決定食返佢招牌嘅燒味。🍗金滿膳燻香燒鵝髀飯$128我就揀咗佢招牌菜。上菜時見到鵝髀真係超大隻，齋睇都覺得啖啖肉好想咬落去。淨係食皮都覺得係燒得好香口，有小小爆汁嘅感覺；肉都好鮮嫩。如果皮同肉一齊食就係一個更佳嘅口感。🍖柚子蜜叉燒飯 $48平時都係蜜汁叉燒多，呢度係柚子蜜嘅叉燒飯又幾特別。出面通常都係甜甜地嘅感覺，但呢度用柚子蜜就係酸酸甜甜咁，但又唔會過甜。而叉燒肉質又唔會太鞋，所以都幾推薦。總括嚟講呀如果近牛頭角又想食下高質燒味都可以選擇呢間。