揚天 (已結業)

Sogo行過好多次，但好少去佢間超市。未食過揚天，但聞到香味陣陣，見唔少人買，當然要試一試。第一次食，每種口味的丸子各要兩顆，再加塊帶子餅。栗米丸同洋蔥丸甜甜的，還算彈牙，凍咗少少。三文魚丸就一般。椒絲丸新鮮炸出，又燙又辣，都幾過癮。帶子餅有切細件，餅身軟滑無腥味，好QQ。食到一半先見到原來可以要求微波爐加熱。丸同餅都自帶鹹味，雖然有甜不辣醬同豉油，不過我無加。32蚊兩個人都食到小飽，真係幾抵！