八幡屋涮涮鍋 (已結業)

今日同朋友食飯，去交通方便的旺角揾野食，先係openrice訂左八幡屋，唔驚無位坐。餐廳好乾淨，環境舒服，我地坐低後，睇下食乜野。呢間餐廳是日式涮涮鍋放题店，牛肉有唔同的產地同種類，任我地揀，仲有自助食品區，可以自揀涮涮鍋配料同飲品甜品，好多選擇。套餐的種類多，分ABCD餐，燒的時間唔同。我地揀左C3套餐，食澳洲M5和牛，可以燒150分鐘，慢慢食。首先食刺身拼盤，有甜蝦、三文魚、帶子、赤貝、希靈魚等，都好鲜味，帶子勁大隻，咬落有口感，夠厚身多肉。甜蝦好鲜好甜，晶瑩剔透，好味。三文魚和希靈魚更不用說，肉質鲜嫩爽滑，是我的至愛，入口好鲜味。澳洲M5和牛纹理好靓，肉質軟嫩，味好鲜，入口即溶，滿口油脂，但肥而不膩，口感順滑多汁，好正！海鮮拼盤有不同的海鲜配搭，海鲜種類多，選擇又多，有海蝦、青口、扇貝、蜆等，都好鲜美，好食好味。美國進口牛肉好新鲜，牛肉脂肪均匀，輕涮幾下，放入口就有入口即溶的感覺，口感好！黑豚肉薄易煮，質素好，好滋味。雪糕飲品款式多，任飲任食，梗有一款會鍾意。餐廳侍應服務周到，整體感覺真不錯。