Waga Wagyu Burger (已結業)

佐敦德成街有間漢堡包店叫「Waga Wagyu Burger」，我之前自己食過一次唔錯。呢日中午就帶埋同事一齊幫襯，雖然其實係外賣店🤣。小店主打漢堡包，口味唔多，得五款，價錢係$58或$68；另外仲有幾款小食賣。我哋嗌咗兩份嘢食，食物即叫即整，需時約十分鐘⏳，而價錢亦屬合理水平。和牛牛肉漢堡($68)，呢款係餐廳嘅招牌Burger🍔，漢堡扒採用日本鹿兒島黑毛和牛製成🐮，肉味幾香、幾濃郁，但肉質偏粗糙。其他食材仲包括秘製Waga醬、芝士、生菜、蕃茄、青瓜同洋蔥等，夾埋係經典組合。🧀芝士經炙燒🔥，份外惹味。芝麻麵包有用牛油煎香，質感鬆軟。我額外仲加咗塊漢堡蝦餅($16)，🍤手打蝦餅有一定厚度，蝦膠非常彈牙，而且更不乏鮮蝦肉。蝦餅質素高，可媲美泰國餐廳。泰式燒牛肉鋪滿泰式燒汁配田園沙律(加配價$58)，🥩燒牛肉份量多，除咗賣相掂之外，牛肉仲係靚貨，肉質嫩滑又多汁。🥗沙律菜有青瓜、生菜、車厘茄同生洋蔥等，後者就咁食就有啲辣。醬汁係泰式香草辣汁🌶，幾惹味，但辣度超強，唔講得笑，所以我建議唔好一次過落晒。炸雞塊($12/2塊)，呢個其實即係麥樂雞🐔，炸皮都算脆嘅；而比較特別嘅地方反而係個醬汁，甜甜