Lucky Smash (已結業)

今日放工後懶得煮飯，係附近荃灣享和街lucky smash買個晚餐。行運漢堡希望食完真係行運。叫左雙層芝士牛肉漢堡餐加牛肉漢堡。即點即做，睇住整聞到都幾香。雙層芝士牛肉漢堡餐就有一個雙層芝士牛肉漢堡+鮮炸薯條+汽水：雙層芝士牛肉漢堡/牛肉漢堡：雙層口感更加好，肉質良好。芝士香口好味道，中間有蔬菜令到口感層次更好又冇咁膩感。牛肉嫩滑唔嚡口肉味都唔錯。鮮炸薯條：即炸薯條熱辣辣，又脆口。薯條真係要熱辣辣同脆先得，仲要乾身先唔會淋。再飲罐凍忌廉簡直爽晒，又有氣又夠凍。