彩晶軒 (已結業)

同大學同學聚舊，去左大家工作的中間點觀塘食。APM附近好多酒家，不過有個姐妹就嫁，所以去望下其中一間目標：彩晶軒。幾個女仔叫得唔多野，都 叫左四個菜，幾個甜品。先講下個貴妃蚌，味道相當鮮甜，粉絲吸哂貴妃蚌的精華，實在 送飯佳品，仲要計返幾蚊一隻，結果一人兩隻，個個滿足。然後 鴛鴦豆腐，即 蒜蓉蒸豆腐加帶子蒸豆腐，帶子都仲 爽的，雖然就淡左小小，但依然 相當鮮甜，我鐘意。仲有個唔記得叫埋名的蝦球，用千島汁煮的，酸酸甜甜相當惹味。而甜品就 我地最愛，我點左朱古力心太軟，雖然細細個，但朱古力味相當濃，仲好香口！埋單一人８０蚊~