泰屋

營業中

休息中

泰國菜永遠都係最岩同幾個朋友聚餐既好選擇，有辣有唔辣，有海鮮又有肉，咩口味都適合。今晚黎到旺角樓上店既泰屋，係朋友推薦既餐廳，彌敦道726號成幢原來都係餐廳，難怪星期日晚餐時間排隊搭𨋢既人特別多，上到去，好快安排到座位。今晚好想食薄餅，叫薄餅一定要叫反埋個咖哩黎一齊食，薄餅好脆好香，我一個人食左四塊咁多。另外，個豬仔骨夠入味，有肥有瘦，所以口感相當好。最後，個椰汁焗飯都唔少得，椰汁好香，中間又有椰子肉，配埋個椰青飲好正。