星怡 (已結業)

約左好姐妹喺尖沙咀買抗疫用品，佢話去iSquare三樓新開嘅新怡食星加坡菜食lunch，好耐冇食過正宗嘅蝦麵，立即go go go ! Menu主打🍜喇沙、🦐檳城蝦麵、🥥椰漿飯，仲有🦀招牌黑胡椒蟹、魔鬼魚、特色小食，飲品同甜品🍮等！餐廳裝潢簡潔，特多窗邊位夠哂開揚！午市餐牌$68至$138不等，價錢親民！檳城大蝦湯麵$98兩隻大蝦非常吸晴！聞起就有好香嘅蝦味，再飲一啖湯就飲得出濃濃蝦膏湯味，蝦肉紥實，食落有質感！配料有超淋軟嫩嘅排骨，真口唔駛咬咁濟！好味得太過份！仲有大量豆卜，糖心蛋、乾蔥同芽菜等配油麵，推介！安格斯肥牛魚蛋喇沙麵 $118喇沙湯頭超濃郁，味道香氣撲鼻，椰香同辣度都好均勻，安格斯肥牛肉份量足，肉味道香濃！配料仲有超入味豆腐卜、大大粒彈牙魚蛋、芽菜同糖心蛋！每一啖麵都好掛湯！辣辣地好開胃！ 娘惹蘿蔔糕 $78 頂層有香蔥同金黃色煎蛋，中間有大大舊煎到香口嘅蘿蔔糕，下面夾住大量芽菜炒雜菜，蘿蔔糕沾滿咸咸地又甜甜地嘅醬汁，食落去有蘿蔔絲更顯香甜！