麦玉子 (已結業)

囡囡鍾意食日本菜，自從北角匯開咗真係多咗唔少選擇。一田咁啱今日做優惠，去望下有冇乜嘢掃貨 ，囡囡嗌肚餓，就同佢食麥玉子。聽個名就知係日本嘢，玉子即係雞蛋，顧名思意呢間餐廳係主打雞蛋菜式。囡囡選了蒲燒鰻魚丼飯，我就揀咗滑蛋牛肉烏冬。每人再配一個小，食囡囡點醬油糰子，我就試下鰻魚玉子燒。先講蒲燒鰻魚丼飯，份量好多，有兩大片鰻魚，同埋一啲蛋絲，下面嘅飯量都好多，比較特別嘅係，呢度係用坊間少見的薏仁飯，更加健康。阿女好鍾意個甜醬油糰子，食到唔停口。我嗰個滑蛋牛肉烏冬都好好食，牛肉分量多，彈牙嘅烏冬連滑蛋一齊食落肚，滿足。鰻魚玉子燒甜甜地，又夠嫩滑，高水準。