影片
更多
2015-07-28
1056 瀏覽
尋日放工又再約埋幾個朋友去食位於上水這間漁匠料理，上次來覺得食物水準幾好，價錢又合理，所以今次再接再厲，睇下能否保持水準。我同朋友大約七點半到左漁匠門口，同上次差不多都要等十幾分鐘先有位坐。我地坐低後見到隔離位果位靚女叫左條魚（切成了魚片）買相幾得，於是問下靚女咩名堂，原來竹尖魚是也！跟住叫多四様野同一個甜品，搞掂，四人一邊吹水一邊等食物！竹尖魚成條上及預先切左一片片，保證冇呃你幾嚿魚生，魚生新鮮味美，建議點少少豉油就ok，唔係會蓋過本身嘅鮮味。四人大約分到兩、三片左右。碳燒生蠔四隻，用佢地嘅特色小碳爐將生蠔慢慢烤熟，見住D蠔由生變熟要十分鐘左右，鋪喺蠔面的蒜蓉香味隨煙昇起，食指大動，懶得理佢燙手，直接拎起就食，嗯！確實好味，朋友確定安全（熟透），一人一隻，冇哂，下一道！燒汁雞翼一共六隻，在炸完嘅雞翼上面淋上沙律醬，再灑上紫菜粉，咬落香脆肉嫩，食完一隻再想食多隻（可惜唔夠朋友手快）。跟住黎一盆大大盆嘅火山魚生沙律，好似洗手盤咁大嘅木盤裝住滿滿嘅生菜絲，仲有三文魚粒、蟹籽同多種魚生，等你自己撈渾再食，大大盆抵食夠飽肚。再黎多個穀飼和牛鍋，小小嘅gas爐上放在個黑鐵鍋，湯底應該用醬油、味噌
我同朋友大約七點半到左漁匠門口，同上次差不多都要等十幾分鐘先有位坐。我地坐低後見到隔離位果位靚女叫左條魚（切成了魚片）買相幾得，於是問下靚女咩名堂，原來竹尖魚是也！跟住叫多四様野同一個甜品，搞掂，四人一邊吹水一邊等食物！
竹尖魚成條上及預先切左一片片，保證冇呃你幾嚿魚生，魚生新鮮味美，建議點少少豉油就ok，唔係會蓋過本身嘅鮮味。四人大約分到兩、三片左右。
碳燒生蠔四隻，用佢地嘅特色小碳爐將生蠔慢慢烤熟，見住D蠔由生變熟要十分鐘左右，鋪喺蠔面的蒜蓉香味隨煙昇起，食指大動，懶得理佢燙手，直接拎起就食，嗯！確實好味，朋友確定安全（熟透），一人一隻，冇哂，下一道！
燒汁雞翼一共六隻，在炸完嘅雞翼上面淋上沙律醬，再灑上紫菜粉，咬落香脆肉嫩，食完一隻再想食多隻（可惜唔夠朋友手快）。
跟住黎一盆大大盆嘅火山魚生沙律，好似洗手盤咁大嘅木盤裝住滿滿嘅生菜絲，仲有三文魚粒、蟹籽同多種魚生，等你自己撈渾再食，大大盆抵食夠飽肚。
再黎多個穀飼和牛鍋，小小嘅gas爐上放在個黑鐵鍋，湯底應該用醬油、味噌、味醂呢D材料煮成，唔太濃，仲有雜菜、豆腐、冬菇、烏冬同主打嘅穀飼和牛，一碟和牛十多片，雪花均稱，牛味不是非常之重，但幾嫩滑，落鍋十零秒就食得，手快有手慢冇，一陣就冇哂整碟和牛，跟住就落埋其他配料一穫熟，香噴噴，慢慢食。
最後黎埋個北海道蜜瓜紅豆巴菲做甜品，瓜香味甜，紅豆好腍起沙，巴菲奶味濃郁，最後我地差唔多食到連瓜皮都刮穿。呢間店細細地，但食物質素確實幾好，價錢又唔太貴，四個人人均都係二百元左右，期待下次再黎過。
張貼
