影片
更多
2022-01-03
40 瀏覽
今日同細佬入大圍買嘢，順便食埋晚飯，之前有人話小火焰韓式咖啡廳好抵食，一於唔好錯過。門面有好大幅公仔圖案做裝飾，零舍搶眼，內部闊落，卡位好多，無須等位。侍應推介$488弘大二人套餐，認為份量適合大胃王，咁就試吓啦！因為細佬都大食嘅！先有醬油蝦配糖心蛋，加一個手握紫菜飯糰，蝦有兩隻，淋甜鮮嫩，流心蛋軟滑。再有三色前菜就係韓式泡菜、紫菜及蘿蔔，好惹味，令人胃口大開。香芒炸雞沙律，芒果鮮甜，顏色吸引，炸雞甜甜地，脆脆地，配合沙律一齊食，正呀！再揀咗另一款蜂蜜提子脆米炸雞，剛炸好的雞件好大塊，熱熱地配埋蜂蜜及脆米，更凸顯雞肉甜味，非常香口。鍋物就選擇大醬海鮮鍋配走辣豬骨湯底，先試一啖，鮮味無窮，原因係海鮮夠多又新鮮，而且一路有明火煮緊，勁好。主食點咗個牛肉石鍋飯，勁多材料，起碼超過八款，顔色非常豐富，牛肉舖滿喺上面，份量十足，我和細佬都覺得未必食得晒。之後仲有甜品香蕉朱古力窩夫，雪糕配窩夫一齊食，美味香脆。套餐嘅飲品揀咗巨峰乳酸特飲及荔枝乳酸特飲，味道特出，冰凍解渴。兩個人要食晒以上七款食品，真係極之飽肚，確實扺食又好食
門面有好大幅公仔圖案做裝飾，零舍搶眼，內部闊落，卡位好多，無須等位。
侍應推介$488弘大二人套餐，認為份量適合大胃王，咁就試吓啦！因為細佬都大食嘅！
先有醬油蝦配糖心蛋，加一個手握紫菜飯糰，蝦有兩隻，淋甜鮮嫩，流心蛋軟滑。
再有三色前菜就係韓式泡菜、紫菜及蘿蔔，好惹味，令人胃口大開。
香芒炸雞沙律，芒果鮮甜，顏色吸引，炸雞甜甜地，脆脆地，配合沙律一齊食，正呀！
再揀咗另一款蜂蜜提子脆米炸雞，剛炸好的雞件好大塊，熱熱地配埋蜂蜜及脆米，更凸顯雞肉甜味，非常香口。
鍋物就選擇大醬海鮮鍋配走辣豬骨湯底，先試一啖，鮮味無窮，原因係海鮮夠多又新鮮，而且一路有明火煮緊，勁好。
主食點咗個牛肉石鍋飯，勁多材料，起碼超過八款，顔色非常豐富，牛肉舖滿喺上面，份量十足，我和細佬都覺得未必食得晒。
之後仲有甜品香蕉朱古力窩夫，雪糕配窩夫一齊食，美味香脆。
套餐嘅飲品揀咗巨峰乳酸特飲及荔枝乳酸特飲，味道特出，冰凍解渴。
兩個人要食晒以上七款食品，真係極之飽肚，確實扺食又好食
張貼
