德國餐廳 (翠怡花園) (已搬遷) 新店位置

今晚係大埔開完會 同班舊同學一齊聚首一堂 想搵間又近又環境好又可以慢慢坐 最重要緊係好食既餐廳啦 我同朋友除左鍾意德國足球之外亦都好欣賞德國既飲食文化 見到有呢間Das Bier德國餐廳 就入去試下啦首先叫左個必食烤鹹豬手 呢道菜係德國菜既代表 亦都係靈魂 呢間餐廳亦都對得住大家 因為皮烤得香脆不特止 仲有鹹香味 肉質好嫩滑亦都宙油香 一次過滿足哂食肉慾之後就叫左個牛肋骨排 呢個真係驚喜 因為小弟見識淺薄 好少係出面食到 呢個排既肉非常似平時食到既牛仔骨 但係異常鮮嫩 牛肉味極重 油香滿溢 比得上和牛既味道呀之後叫多杯芝士奶蓋朱古力 雖然朱古力味道較淡 但芝士層口感非常豐富 而且有香濃芝士味 十分一流