影片
更多
2019-09-23
40 瀏覽
今日去完朋友屋企之後經過呢間雞蛋仔舖，真係一試難忘好多款食品都係新鮮每日造! 香濃珍珠咖啡平時珍珠奶茶就飲得多，咖啡真係第一次，第一啖令我驚訝既唔係咖啡，而係佢每粒珍珠都係好彈牙，直情好似芋圓咁彈同煙韌，加埋佢本身個咖啡底都好好飲，啡味好夠唔會太稀，就係飲完呢杯先令我決定要再食多少少野!抹茶紅豆格仔餅叫完之後老闆仲會問係咪砂糖牛油花生醬煉奶都要哂，先知原來仲有咁多醬料唔單單係抹茶紅豆餡，所以可以想像得到成個格仔餅係勁多醬料，但出奇地唔會有一種味特別出，全部都好平均咁食得出個種味又唔會蓋過其他配料。格仔餅時間都掌握得好好，外脆內軟同埋紅豆加抹茶既衝擊，基本上都未停過口好快就食哂。咖啡榛子朱古力雞蛋仔咖啡實在太出色所以我地諗住再食多少少咖啡既口味，印象中好似得呢間係會一個雞蛋仔有齊呢3種味道，老闆對於份量既調配好準確，唔會有一種味道特別突出，好似3種配料融為一體，好值得試。咖哩魚蛋食完甜野我地仲叫咗少少咸食。第一樣就係辣魚蛋，因為一路食既時候都有好多街坊叫所以我地都忍唔住食，咖哩再加埋沙嗲既口感好正，醬料應該係老闆自己整，辣得嚟又唔油，魚蛋亦都好彈牙好味! 牛肉球牛肉球係我既另一最愛，第一
香濃珍珠咖啡
平時珍珠奶茶就飲得多，咖啡真係第一次，第一啖令我驚訝既唔係咖啡，而係佢每粒珍珠都係好彈牙，直情好似芋圓咁彈同煙韌，加埋佢本身個咖啡底都好好飲，啡味好夠唔會太稀，就係飲完呢杯先令我決定要再食多少少野!
抹茶紅豆格仔餅
叫完之後老闆仲會問係咪砂糖牛油花生醬煉奶都要哂，先知原來仲有咁多醬料唔單單係抹茶紅豆餡，所以可以想像得到成個格仔餅係勁多醬料，但出奇地唔會有一種味特別出，全部都好平均咁食得出個種味又唔會蓋過其他配料。格仔餅時間都掌握得好好，外脆內軟同埋紅豆加抹茶既衝擊，基本上都未停過口好快就食哂。
咖啡榛子朱古力雞蛋仔
咖啡實在太出色所以我地諗住再食多少少咖啡既口味，印象中好似得呢間係會一個雞蛋仔有齊呢3種味道，老闆對於份量既調配好準確，唔會有一種味道特別突出，好似3種配料融為一體，好值得試。
咖哩魚蛋
食完甜野我地仲叫咗少少咸食。第一樣就係辣魚蛋，因為一路食既時候都有好多街坊叫所以我地都忍唔住食，咖哩再加埋沙嗲既口感好正，醬料應該係老闆自己整，辣得嚟又唔油，魚蛋亦都好彈牙好味!
牛肉球
牛肉球係我既另一最愛，第一啖食落口已經感覺到彈牙既口感，唔會好粉或者好實，係有D似手打牛丸咁彈，老闆講雖然都係攞貨但佢會好小心咁睇住蒸同埋唔會overcook，所以每粒都唔會好乾!
張貼
