戀上台式料理 (已結業)

今日收工同母親大人黎將軍澳行donki購物，出番黎係附近行下順便搵食。比餐廳名吸引倒，就決定黎試下。餐廳位置係donki上一個路口，直行到尾再轉左過幾間店舖就係。門口好開放，係可以一路進餐一路欣賞美景嘅地方。餐牌選擇好多，烤魚、酸菜鍋、雞煲、、小菜、台式小食、珍珠奶茶…非常齊全。最後我地點左一人份初戀辣辣雞煲、酸菜白肉鍋、同黑糖珍珠鮮奶。一人份初戀辣辣雞煲-雞肉分量好多！雞件嘅部位平均，肉質唔錯，就算keep住煲住雞肉都冇好鞋嘅情況。湯底可以簡大中小辣，我地叫少辣，明顯食倒有一股酒香，香香辣辣好過引！一人份酸菜白肉鍋-果然係店鋪推介，酸菜鹹鹹酸酸送飯一流。白肉厚薄適中分量不少食到底都重有。湯底都係有點辣，豆卜索晒湯汁非常美味！