靖 (已結業)

朋友之前食過晚餐話好掂，跟住就拉我黎試下佢嘅lunch😁首先黎個沙律清新一下！北海道帶子，有柚子係上面，本身隻帶子已經夠肥美，柚子子簡直係錦上添花。針魚配紫菜醬，鮮甜中帶有一點鹹剝皮魚又有人叫沙鯭，搭上自己嘅魚肝，美味加倍。吞拿魚配紫菜醬同埋色芝麻，相得益彰。中拖羅入口充滿油香，十分肥美。北海道BB銀鱈魚輕微火灸過，帶出油香之餘亦唔影響嫩滑程度。馬糞海膽好新鮮，入口甘甜鮮味，享受！赤睦魚配炸甘荀，口感豐富。右口魚邊一向係我最愛之一，充滿油香仍然嫩滑，口感亦都獨特。吞拿魚蓉手卷有多種配料，包括天婦羅脆，層次分明。最後有雪糕做甜品。