金鶴拉麵 (澳門逸園中心) (已結業)

趁今日星期日，諗住帶媽媽一齊去食日本料理。因為之前去日本，無食到鰻魚飯嘅關係，媽媽又話好想食。朋友推介下，就諗住試吓呢間餐廳。餐廳環境不錯，座位舒服。店內的日式裝修，充滿著和風感覺，以為自己身處在日本一樣。 餐廳食物選擇很多，真係唔知食邊樣好？😋是日選擇：1️⃣蒲燒鰻魚飯🍽鰻魚是每天處理，厚厚嘅鰻魚，肥美嫩滑，即叫即燒。鰻魚塗上一層又一層嘅自家秘制鰻魚醬汁，突顯鰻魚嘅美味，而且燒得外脆內軟，唔會一夾就散開晒，配上珍珠米，好味道。湯及前菜都唔會遜色，難怪是店長推介之一。2️⃣黃金燒扇貝（2隻） 🍽即叫即做的黃金燒扇貝，一上枱就熱辣辣，扇貝尚算大隻，醬汁唔會遮蓋扇貝本身鮮甜嘅味道。3️⃣味醂魚乾🍽魚乾燒到好乾身，口感煙韌，咬落甜甜地，配埋沙律醬，食到停唔到口。4️⃣鹽燒雞中翼🍽好多餐廳都會有雞翼食，但要整得好味真係唔易。估唔到呢度連串燒都咁好食，雞翼唔乾身，雞翼皮食落脆脆地，雞翼裡肉質嫩，還有肉汁，值得推介。