塚田農場 (已結業)

今晚同我嘅美人(其實係佢帶我去)，到這裡一嘗這裡出名嘅美人鍋，而兩個人有套餐餐牌，同美人食當然要貴啲個個啦$592，二人份量，多了甜品同飲品轉了有雞尾酒選擇，而個鍋有三款口味，就係咁我就點了個美人蕃茄鍋，因美人喜歡蕃茄湯底，而其生菜卷就係鰻魚忌廉芝士美人卷同埋海老牛油果美人卷，兩人份每人都各有一件，日藉店員溫馨提示又不同嘅醬汁配合入口，個人較喜歡鰻魚忌廉芝士美人卷，入口香軟味道濃郁，而個主角美人蕃茄鍋上枱，湯底眼到已經見到濃郁嘅蕃茄湯底，而配料亦已在鍋內，有不同色彩繽紛嘅蔬菜有瓜有茄、雞肉、雞肉丸、同埋帕爾馬芝士，比較特別係個雞肉丸，入口煙韌彈牙，配埋個湯味道鮮味！除此之外還點了三文魚蟹肉沙律壽司卷和帆立貝玉子壽司卷，賣相精緻，入口味道新鮮，而個蟹肉沙律壽司卷嘅蟹肉十分鮮味！而飲品有兩類，今晚試了美人彷雞尾酒-楓，味道帶點酸甜十分開胃，而賣相都十分精緻！最後加埋個特色甜品，紅莓杏仁撻，除了有香脆嘅紅莓撻外，上面還配埋個香滑雪糕，整體食物質素新鮮，口味亦十分好味，服務亦好有禮！美人嘅選擇十分之唔錯！