北海道爐端 (已結業)

長沙灣除咗係歷史悠久既工業區之外最近都開咗唔少新型嘅文青商場。今日去完位於荔枝角鐵路站D2出口附近嘅D2 Place睇完戲之後就去咗喺嗰個商場嘅北海道爐端燒食嘢了。一入到去俾人嘅感覺好舒服，座位都非常寬闊，餐牌方面有好多唔同種類嘅嘢食，刺身壽司燒物串燒打麵等等，一於樣樣都叫啲先。三文魚三文魚子丼三文魚鮮甜美味，肥瘦適中，非常香口。三文魚子粒粒爽脆，一次過滿足兩個味覺，推介！鹽燒三文魚腩三文魚腩燒得十分之香脆，淡淡都係肉，一啲都唔會好油膩，份量仲唔少添，健康之選。牛肉壽喜鍋因為今日天氣都幾清涼，就叫咗個鍋物，牛肉質素唔錯，配埋其他蔬菜烏冬等嘅配料，俾人感覺好窩心。豬骨拉麵豬骨拉麵跟半熟雞蛋，加埋幾塊厚切嘅叉燒，同埋香濃嘅湯底，配搭成一碗完美嘅拉麵，正！