富軒

營業中

休息中

呢個叉燒好好味，燒得好平均，肥瘦均勻。蘿蔔絲米網腸個網都幾脆啲腸粉皮都唔錯。啲煎堆好大個，剪開咗方便食用，甜甜地幾好食的。XO醬炒蘿蔔糕啲XO醬好正，啲蘿蔔糕好大粒，炒得非常之唔錯。蔥油包有好豐富既蔥油味，脆脆地又幾香甜。個小籠包雖然外表唔靚，但都好飽滿，啲肉汁都多。燒賣大大粒，咸料都係好多。鮑汁雞腳啲鮑汁好正，啲雞腳淋淋地都幾好食。