吃吧 (僑建大廈) (已結業)

朋友約我喺旺角食飯，帶咗我嚟呢間喺樓上嘅小餐廳，佢話食過好好味😋。餐廳名字叫Chiba, 我仲以為同千葉縣有關係食日本菜，原來係「吃吧」嘅意思😆。$78黑松露、煙火腿、芝士多士：呢個黑嫲嫲嘅多士出奇地好味，有芝士鹹香火腿甘香黑松露幽香😆，三種香味合一好正😋。Main Course我要咗「德國鹹豬手」，朋友就叫咗「慢煮甜酒燴和牛面頰」。鹹豬手成隻凌空叉住上枱，店員哥哥淋上烈酒，然後點火燒一輪⋯⋯呢個presentation係威係勢😆，係打卡好時機，跟住先幫我哋切開。鹹豬手皮脆肉嫩，超大隻，好好味；仲配有德國香腸同薯蓉，真係食到超飽😋。朋友嘅燴牛超級軟熟，慢煮之後幾乎入口溶化，又係份量好多，朋友話好好味😋。我哋仲叫咗各$65嘅Chiba Special Drink同「焦糖蜂蜜奶昔」，兩杯都係又靚又好飲😋。同閨蜜兩個食得好開心，有傾有講過咗一個愉快嘅晚上，感覺幸福滿滿，不過食完之後幾乎飽到行唔郁😆。