影片
更多
2021-07-23
106 瀏覽
蜂蜜柚子脆蝦球$118用一個半個鳥籠形狀嘅容器裝住上枱，幾特別。蝦球外皮香脆，肉質爽口鮮味，既有蜂蜜嘅甜味，又有淡淡嘅柚子香味，加上青檸嘅小小酸味，味道唔錯。冰鎮鮮菠蘿咕嚕肉$138用原隻菠蘿挖空果肉，然後裝住咕嚕肉、青紅椒，上面鋪滿冰粒，仲喺碟下面放咗小小乾冰造成霧氣騰騰嘅效果。菠蘿肉好甜，咕嚕肉爽口有嚼頭，冰鎮嚟食另有一番風味。石鍋鮑魚雞粒炒飯$118飯炒得幾乾身同香口，粒粒分明有嚼口。配料有鮑魚仔、雞粒、粟米同青豆等，幾足料，味道適中。金銀蒜銀魚蒸娃娃菜$68蒜香味濃郁，銀魚鹹香惹味，娃娃菜爽口清甜，對比強烈。名館筍尖蝦餃皇$48餃皮晶瑩煙韌，大大隻原隻鮮蝦爽口鮮甜，筍尖鮮味，口感味道都好唔錯。鮮蝦韭菜煎薄罉$48薄罉煙煙韌韌，邊邊位微焦又有啲脆口，韭菜好香，加埋午餐肉粒同鮮蝦，味道豐富。芝麻醬雞絲粉皮$58芝麻醬、雞絲、花生同爽口嘅粉皮撈埋一齊食，酸酸哋又香口，冰冰涼涼咁，幾開胃。名館厚切叉燒皇$88名副其實斬大嚿叉燒，外表微焦，油亮嘅紅顏色非常誘人，味道香甜，肉質軟腍。招牌酸菜滑魚片$298魚片無骨，滑得嚟又爽口，仲有好多酸菜、豆芽、薯粉墊底，湯汁酸酸哋好開胃。我哋只揀咗唔辣
用一個半個鳥籠形狀嘅容器裝住上枱，幾特別。蝦球外皮香脆，肉質爽口鮮味，既有蜂蜜嘅甜味，又有淡淡嘅柚子香味，加上青檸嘅小小酸味，味道唔錯。
冰鎮鮮菠蘿咕嚕肉$138
用原隻菠蘿挖空果肉，然後裝住咕嚕肉、青紅椒，上面鋪滿冰粒，仲喺碟下面放咗小小乾冰造成霧氣騰騰嘅效果。菠蘿肉好甜，咕嚕肉爽口有嚼頭，冰鎮嚟食另有一番風味。
石鍋鮑魚雞粒炒飯$118
飯炒得幾乾身同香口，粒粒分明有嚼口。配料有鮑魚仔、雞粒、粟米同青豆等，幾足料，味道適中。
金銀蒜銀魚蒸娃娃菜$68
蒜香味濃郁，銀魚鹹香惹味，娃娃菜爽口清甜，對比強烈。
名館筍尖蝦餃皇$48
餃皮晶瑩煙韌，大大隻原隻鮮蝦爽口鮮甜，筍尖鮮味，口感味道都好唔錯。
鮮蝦韭菜煎薄罉$48
薄罉煙煙韌韌，邊邊位微焦又有啲脆口，韭菜好香，加埋午餐肉粒同鮮蝦，味道豐富。
芝麻醬雞絲粉皮$58
芝麻醬、雞絲、花生同爽口嘅粉皮撈埋一齊食，酸酸哋又香口，冰冰涼涼咁，幾開胃。
名館厚切叉燒皇$88
名副其實斬大嚿叉燒，外表微焦，油亮嘅紅顏色非常誘人，味道香甜，肉質軟腍。
招牌酸菜滑魚片$298
魚片無骨，滑得嚟又爽口，仲有好多酸菜、豆芽、薯粉墊底，湯汁酸酸哋好開胃。我哋只揀咗唔辣，如辣辣哋應該更加惹味可口。
十三么$128
呢個甜品造型滿分，兩層嘅椰汁桂花糕，切成麻將大小，然後用米紙印上十三么嘅牌型黐上去，仲有兩張米紙整成嘅美金，好逼真。味道都唔錯，椰汁桂花味都幾出。
張貼
