影片
更多
2021-06-06
120 瀏覽
近排好似唔係食西餐，就係食日式燒肉放題/火鍋，既然係咁，今日倒不如食下中菜丫。經openrice搜尋到皇室堡有間叫富軒中菜館，由於係閒日，未至於全場爆滿。一坐低叫茶要咗鐵觀音(茶位每位盛惠$12)，雖然對茶葉無太多研究，但一沖水落去竟然香味四溢，貨色應該比一般中菜館或茶樓好。冰鎮8頭南非鮑魚鮑魚肉質爽口彈牙，而且有陣陣酒香，作為夏天嘅開胃頭盤真係啱哂。金湯蟹肉海皇翅同西式龍蝦湯絕對有得揮，入口鮮甜、濃郁，非常足料，食落啖啖都係蝦肉、蟹肉同翅。雖然翅唔係話好大條，但份量好多，一梳梳，好滋味！西澳龍蝦(上湯煮)平時有行開街市嘅朋友都知道，澳洲龍蝦比波士頓龍蝦高級，睇價錢亦略懂一二，大約貴多三分之一。肉質鮮甜之餘，仲好厚肉，入口亦爽口彈牙，唔會死死實實。 用上湯煮，更加帶出鮮味！至尊燒鵝皇(下庄)好多人會問食燒鵝竟然應該要上定下庄好？上庄主要係食胸同埋翼為主，肉質通常偏瘦，而且相對比下庄多骨，而下庄好明顯主要係食脾位，鵝脾嘅肉自然就係精華所在。而個人比較偏愛下庄，貪佢味道較濃，夠入味又肥美。腐乳炒通菜食咗咁多肉，係時候叫碟菜平衡一吓，碟頭非常大，粗略估計隨時有一斤菜咁上吓。當食到咁上吓嘅時候
經openrice搜尋到皇室堡有間叫富軒中菜館，由於係閒日，未至於全場爆滿。
一坐低叫茶要咗鐵觀音(茶位每位盛惠$12)，雖然對茶葉無太多研究，但一沖水落去竟然香味四溢，貨色應該比一般中菜館或茶樓好。
冰鎮8頭南非鮑魚
鮑魚肉質爽口彈牙，而且有陣陣酒香，作為夏天嘅開胃頭盤真係啱哂。
金湯蟹肉海皇翅
同西式龍蝦湯絕對有得揮，入口鮮甜、濃郁，非常足料，食落啖啖都係蝦肉、蟹肉同翅。雖然翅唔係話好大條，但份量好多，一梳梳，好滋味！
西澳龍蝦(上湯煮)
平時有行開街市嘅朋友都知道，澳洲龍蝦比波士頓龍蝦高級，睇價錢亦略懂一二，大約貴多三分之一。肉質鮮甜之餘，仲好厚肉，入口亦爽口彈牙，唔會死死實實。 用上湯煮，更加帶出鮮味！
至尊燒鵝皇(下庄)
好多人會問食燒鵝竟然應該要上定下庄好？上庄主要係食胸同埋翼為主，肉質通常偏瘦，而且相對比下庄多骨，而下庄好明顯主要係食脾位，鵝脾嘅肉自然就係精華所在。而個人比較偏愛下庄，貪佢味道較濃，夠入味又肥美。
腐乳炒通菜
食咗咁多肉，係時候叫碟菜平衡一吓，碟頭非常大，粗略估計隨時有一斤菜咁上吓。
當食到咁上吓嘅時候，部長好醒目地奉上綠豆沙糖水，但由於我地已經食到有八分飽，所以要咗一碗兩個人share就足夠，無謂造成浪費。
最值得一提係店員嘅服務好好，由部長到上菜姐姐都係咁有禮貌，抵讚！
張貼
