影片
更多
2021-04-17
42 瀏覽
由之前嘅黃金骨膠原美人鍋，變成現在親民食堂，都係屬於塚田農場旗下，食堂走日本和食小店風格。平日晚市時段，總見到有人在店外等候入座，今日路過見冇人龍，係時候俾個機會自己試吓堂食啦⋯⋯燒雞定食雖然冇menu 張相咁吸引，但係照燒汁好味，唔太甜。雞扒燒得緊緊熟，雞皮有焦香但唔係燶，肉質嫩滑有肉汁😋有火箭菜做伴菜👍🏼 餐牌上介紹話呢個係日本鹿兒島嘅赤薩摩雞，雞皮與雞肉之間冇肥膏，所以可以好安心咁食雞皮啦 😂😂炸池魚配南蠻炸雞定食炸池魚定食 $78 加$22 可以多一份南蠻炸雞。 有驚喜！池魚上啲粉漿好薄麵包糠外皮炸得好鬆脆，池魚有調味，好好味及 juice ，一D都唔乾，冇魚腥或雪藏味道，三大件份量好足夠仲配上奇妙沙律醬，都係個句⋯⋯好味 😋 正呀·但南蠻炸鷄相比就好失色，有三件，上枱時已經凍了，個漿皮變腍咗啦，味道係 OK 嘅，但要加$22蚊 就覺得唔係好值，應該可以好啲⋯⋯⋯兩個餐都有飯，麵豉湯，薯蓉及兩細碟前菜。所有套餐另加$15可變成任食沙律，甜品及任飲果汁，咖啡，茶及汽水。最初選擇了一杯橙汁及蜜桃茶，可惜味道非常淡，感覺好似加咗好多水，完全冇橙及蜜桃味道，後來攞咗汽水安全啲🤣沙律菜頗
燒雞定食
雖然冇menu 張相咁吸引，但係照燒汁好味，唔太甜。雞扒燒得緊緊熟，雞皮有焦香但唔係燶，肉質嫩滑有肉汁😋有火箭菜做伴菜👍🏼 餐牌上介紹話呢個係日本鹿兒島嘅赤薩摩雞，雞皮與雞肉之間冇肥膏，所以可以好安心咁食雞皮啦 😂😂
炸池魚配南蠻炸雞定食
炸池魚定食 $78 加$22 可以多一份南蠻炸雞。 有驚喜！池魚上啲粉漿好薄麵包糠外皮炸得好鬆脆，池魚有調味，好好味及 juice ，一D都唔乾，冇魚腥或雪藏味道，三大件份量好足夠仲配上奇妙沙律醬，都係個句⋯⋯好味 😋 正呀·
但南蠻炸鷄相比就好失色，有三件，上枱時已經凍了，個漿皮變腍咗啦，味道係 OK 嘅，但要加$22蚊 就覺得唔係好值，應該可以好啲⋯⋯⋯
兩個餐都有飯，麵豉湯，薯蓉及兩細碟前菜。所有套餐另加$15可變成任食沙律，甜品及任飲果汁，咖啡，茶及汽水。最初選擇了一杯橙汁及蜜桃茶，可惜味道非常淡，感覺好似加咗好多水，完全冇橙及蜜桃味道，後來攞咗汽水安全啲🤣
沙律菜頗新鮮可以配日本醬油，柚子醋或沙律汁，另外仲有車厘茄，粟米粒，螺絲粉凍食。今日甜品有兩款，朱古力小蛋糕比較乾，朱古力味道唔濃，而blueberry 小蛋糕好味好多，莓酸及甜味適中，連曲奇餅底都可口，所以加$15 蚊 係抵嘅👍🏼
由於餸較多，相對白飯就好似唔夠食，好快就K.O.咗一碗，如果再要加就 $15一碗白飯。既然係咁不如加$18 就可以散叫蕎麥麵或烏冬，仲可以選擇熱或者凍，所以就叫咗一個凍蕎麥麵試試。
蕎麥麵份量唔算多，麵質有咬口，應該用咗鰹魚湯底(希望我冇估錯)，唔似日本豉油汁湯咁濃味，反而覺得清爽，口腔冇咁重味。
整體上啲嘢算係好食，卡位位置較寬敞，坐得好舒服，隔離枱位女士叫咗一個燒魚鮫定食，佢話已經食咗好多次，味道好正仲提議我哋下次試吓，睇吓幾時冇人龍，咁會再來一試其他食物 ☺️
張貼
