雲南啊老表黑山羊湯鍋米綫 (已搬遷) 新店位置

約左朋友喺九龍公園搞校隊練習，練完到附近揾食，比我發現阿老表！上次喺觀塘已想食，但無開門，今次喺佐敦見到梗係要食佢。一踏入店舖，強烈嘅羊味撲面而黎，一聞就知掂呀！羊肉米線，有皮，細碗，清湯 ($35)店員提醒細碗已係好大碗，一個女仔唔使食大碗，黎到真係好大碗，唔止個碗大，入面都係勁多米線，羊肉亦有數十片，好抵食喎。羊肉薄切，雖然要左有皮，但唔肥㗎，皮下只有少少脂肪，食起上黎增加口感之餘，仲多份甘香。有羊味但唔羶，個人真心覺得十分正。米線爽滑，湯底清清地帶鮮甜，一邊食一邊飲哂啲湯，都無口渴。米線好熱食到滿頭大汗，整返杯凍蜂蜜，跟米線加六蚊咋，又係好抵。清甜又夠凍，淡淡蜂蜜香實唔錯。除左清湯底，仲可以加酸辣，但聽食客講話都幾辣架，下次又試下先。