土耳其小城 (德範大廈) (已結業)

經過荃灣德華街聞到好香烤肉味，原來呢度有間土耳其餐廳！喺門口睇咗陣餐牌，實在太香，忍唔住就入咗去喇🤣餐廳裝修富中東特色，牆身用上搶眼嘅馬賽克磚，亦掛上精美嘅土耳其燈😍土耳其燒羊架：$128一份有四件🥳鐵板上，香氣濃郁，口感醇厚👍🏻肉質鮮美又juicy，一啲都唔韌，而且絲毫冇令人難以下咽嘅異味！值得一試！南印度馬薩拉雞：$92份量頗大，燒雞帶碳烤香氣但肉質仍保持幼嫩。蕃茄嘅甜香正好中和咗略帶辛辣嘅香料味👏🏻整體辣度適中，唔會太刺激，🈴️香港人口味👍🏻越食越過癮，絕對係烤餅良伴！芝士烤餅：$32一份有四大塊🥳口感軟熟，帶淡淡芝士味🧀同小麥香🌾大家記得襯熱食！索埋啲^蕃茄咖喱汁，只會一件接一件咁食🙌🏻