Boire et Manger (已結業)

週末同朋友嚟到灣仔食晚餐，見到OpenRice大家對呢間餐廳食評咁高都好期待。我哋點左兩個 dinner set, 首先上咗個麵包，麵包外層有啲白芝麻，食落去好香。前菜係生蠔同大蝦帶子沙律，味道正路。嚟到主菜，我哋點左羊扒同三文魚，羊扒非常有驚喜！佢表層脂肪以網狀形式鎅開，煎得好香脆！切開羊扒，裏面嘅羊肉仍然保持粉紅色，外脆內軟又多汁，令人一試難忘！至於三文魚，我就覺得非常普通，因為煮到全熟，肉質好乾硬。另外要提一下伴碟嘅配菜，整體來講配菜感覺比較 hea, 西蘭花同椰菜花明顯係用清水烚熟然後加落去，仲有配三文魚嘅菠菜雖然睇得出有心機煮過，但係調味偏鹹。最後甜品係法式煎餅，我哋揀咗個加朱古力醬同一個加蜜糖嘅味道，食落都幾正路。整體來講你間餐廳嘅晚餐中規中矩，不過羊扒就好友驚喜！