影片
更多
2022-04-18
30 瀏覽
墨西哥對我的感覺唔算熟悉，只係聯想到仙人掌同埋平時鐘意食的Nachos，而今次襯復活節長假期黎到西環的Verde Mar試下墨西哥菜。首先望見餐廳的外牆，已經被牆身壁畫上樹懶吸引左，而入到裏面更加精彩，係天花掛滿得意的皮納塔玩偶(Piñata)，充滿拉丁色彩。另外設有清新別緻的小型花園，好似置身綠野森林之中，花園裏面種滿香草及仙人掌，作為餐廳煮食之用!Verde Mar主持健康及新鮮食材，尤其以牛油果料理出名。以我呢個牛油果Fans 黎講，當然唔可以錯過，所以叫左前菜的Avacado Toscana 同埋甜品 Avacado Ice Cream。而主菜方面，就揀選墨西哥傳統菜式 Tacos 及Birria Beef Stew 。首先介紹下Tacos ，其實由玉米餅加上餡料做成，係傳統的墨西哥菜。而呢度可以選擇三款口味，包括豬、牛、雞、魚及蝦，之後加上番茄、洋蔥與及呢度特色牛油果醬，食落去味道複雜，我首推秘製烤豬肉，夠晒惹味!之後就係Avacado Toscana，未食之前已經覺得賣相好吸引，本身都好鐘意食牛油果，覺得好健康。而呢道菜加埋墨西哥出名的Nachos，味道層次就豐富左。雖然都
Verde Mar主持健康及新鮮食材，尤其以牛油果料理出名。以我呢個牛油果Fans 黎講，當然唔可以錯過，所以叫左前菜的Avacado Toscana 同埋甜品 Avacado Ice Cream。而主菜方面，就揀選墨西哥傳統菜式 Tacos 及Birria Beef Stew 。
首先介紹下Tacos ，其實由玉米餅加上餡料做成，係傳統的墨西哥菜。而呢度可以選擇三款口味，包括豬、牛、雞、魚及蝦，之後加上番茄、洋蔥與及呢度特色牛油果醬，食落去味道複雜，我首推秘製烤豬肉，夠晒惹味!
之後就係Avacado Toscana，未食之前已經覺得賣相好吸引，本身都好鐘意食牛油果，覺得好健康。而呢道菜加埋墨西哥出名的Nachos，味道層次就豐富左。雖然都唔會好濃味，但牛油果淋滑的口感，加上Nacho脆脆的感覺，口感特別。
至於另一道主菜Birria Beef Stew，呢道係墨西哥的家庭料理燉牛肉。其實唔同地方都會有燉牛肉/牛腩，但墨西哥風味所用的香料會較多，加埋芫茜、生洋蔥同埋檸檬汁後，味道係之前未食過，而牛冧肉亦炆得夠淋而唔肉質唔乾。
最後就係 Avacado Ice Cream，呢道甜品好有誠意! 首先將牛油果肉拎出黎加入奶做成雪糕，之後就放番係牛油果的外殼當中，扮成「牛油果肉」。另外加上有後勁辣味的柑橘Sorbet，有畫龍點睛的效果!
張貼
