芝加哥串燒酒場 (太和中心)

琴晚同個fd想搵個地方飲嘢食嘢吹下水，於是去左大埔呢間之前見到Instagram有廣告嘅酒吧餐廳，佢入邊主打依個8%啤酒，仲有各式各樣嘅串燒，一入到去，地方算係寬闊，然後睇一睇餐牌，佢串燒嘅種類都非常多，好似有雞翼呀牛舌呀，仲有各式各樣嘅肉類同埋海鮮類，另外佢都有啲送酒嘅小食，好似有薯條等等，之後重見到佢有生蠔同埋泰式生蝦我哋每人叫咗一杯佢主打嘅8%啤酒，加一個黑松露薯條用嚟送下酒，同埋嗌左一啲串燒，仲有半打生蠔，首先講吓佢個薯條，因為新鮮炸出嚟，所以非常之熱辣辣同脆，再加埋佢個黑松露醬，實在係如虎添翼，而佢嘅串燒方面，佢嘅健力士黑啤雞肉腸，我覺得燒得非常好食，入口彈牙而且有啖啖黑啤香味，第二款就係佢個雞翅包飯，成隻起骨入面包住糯米飯，肉同飯加埋一齊食，飯有住肉嘅肉汁，非常好食，講完串燒之後，就要講下佢個生蠔，佢個生蠔非常新鮮，而且夠哂大隻，蠔肉肥美，2百幾蚊有呢隻質素，實在非常抵食，再講下佢嘅8%啤酒，以為咁高酒精，佢一定唔會太好飲，但竟然同一般啤酒味道一樣，而且飲一兩杯就到左一定興奮嘅心情，對於酒鬼們實在一個恩物，總括而言，呢間酒吧餐廳，野食一流，嘢飲種類繁多，啱晒同三五知己，放工