Sogno Cafe+ (已結業)

今次要介紹嘅係位於中環嘅一間樓上cafe，地方唔算大，不過餐廳入面都間左一小部份地方擺放物件售賣同埋公仔擺設，環境舒適清靜，係傾計嘅好地方。冒名而來係因為見到上網，佢哋做緊以玫瑰花味道做主題，食物賣相係幾吸引啲女仔三五知己黎，實行相機食先。今次點左玫瑰士多啤梨西瓜蛋糕同埋玫瑰蜜糖雞翼。前者玫瑰士多啤梨西瓜蛋糕加入左西瓜原素幾特別，不過玫瑰味唔特出，西瓜配蛋糕亦唔算好夾，勝左外貌非常討好。後者玫瑰蜜糖雞翼，半煎炸得幾香口，外皮脆脆，而且包着濃厚嘅蜜糖味，甜甜的好開胃，這個雞翼係我嘅推介啊！不得不提，呢度嘅花茶幾特別，餐廳提供多款茶葉俾你自己揀同mix，調配出你自己鍾意嘅口味！