影片
更多
2013-08-07
235 瀏覽
等了又等，「丼丼屋」終於進軍沙田！由於前身係Burger King既關係，餐廳面積唔算好大，坐位唔係太多，所以如果遲黎少少都可能冇位坐。雖然麻雀雖少，但呢度卻五臟俱全，坐位貫切其他分店一貫作風，六人枱既size俾四個人坐之外，基本上其他分店既食物呢度都有供應。特選海鮮丼($118)︰魚生非常新鮮，北寄貝同埋三文魚都切到好大片，大大啖咬落去既感覺好正！飯方面就一般啦，都係普通珍珠米，勉強算得上係中上質素。最喜出望外既係甜蛋，爽口得黎入口既時候重食到淡淡既甜味，非常特別。至於配料好似沙律同埋麵豉湯雖然應該一早預備好晒，但係都叫做收貨啦！滑蛋豬扒丼($78)︰豬扒個皮雖然煎得好脆，但係豬扒既肉質卻唔會over左「乾爭爭」咁，鬆軟不特止重食得出淡淡既調味料，睇得出師傅喺取材同埋煮調技巧方面落過工夫。滑蛋整得唔錯，火路剛剛好痴住豬扒之餘又唔會過火「一pat野」影響整體賣相同口感。而伴碟既黃瓜小碟更加係餐前開胃之選，「酸酸mei mei」刺激食慾令胃口大增。鐵板黑椒腸餅伴薯角︰非常特別既一味菜，完全無諗過喺日式餐廳會食到德國腸。整體既感覺有D似Pepper Lunch，可惜既係腸既質素實在太差，應
特選海鮮丼($118)︰魚生非常新鮮，北寄貝同埋三文魚都切到好大片，大大啖咬落去既感覺好正！飯方面就一般啦，都係普通珍珠米，勉強算得上係中上質素。最喜出望外既係甜蛋，爽口得黎入口既時候重食到淡淡既甜味，非常特別。至於配料好似沙律同埋麵豉湯雖然應該一早預備好晒，但係都叫做收貨啦！
滑蛋豬扒丼($78)︰豬扒個皮雖然煎得好脆，但係豬扒既肉質卻唔會over左「乾爭爭」咁，鬆軟不特止重食得出淡淡既調味料，睇得出師傅喺取材同埋煮調技巧方面落過工夫。滑蛋整得唔錯，火路剛剛好痴住豬扒之餘又唔會過火「一pat野」影響整體賣相同口感。而伴碟既黃瓜小碟更加係餐前開胃之選，「酸酸mei mei」刺激食慾令胃口大增。
鐵板黑椒腸餅伴薯角︰非常特別既一味菜，完全無諗過喺日式餐廳會食到德國腸。整體既感覺有D似Pepper Lunch，可惜既係腸既質素實在太差，應該溝左唔少粉，所以就算跟足正宗調味方法同煮調技巧都煮唔到應有既感覺，硬係差少少咁。薯角方面，應該都係D普通雪藏野，一D特別都冇，不提也罷！
Overall感覺唔錯，難得價錢合理之餘，質素方面卻絕對唔會將貨就價，難怪每次經過想唔駛等位就入到去都唔係咁容易！
張貼
