咖啡韓食 (已結業)

今日繼續同同事喺第一城周圍食，今次食呢間韓國嘢，經過左好多次，但係都無試過，今日終於入去試一試佢，門口睇落啲炸雞都OK，不過下晝食炸雞就好full，所以都係叫返正常set，揀左牛肉蟹籽飯，配韓式小食（$58）。有個主食、湯、泡菜，同埋芽菜，本身見到係石鍋飯，以為有飯焦，但係就無啦，本身飯無咩醬汁，所以加左少少辣醬，撈埋一齊，咁就好食少少，另外，因為有蟹籽，所以口感上都豐富左。加$4變左set，多左個湯同小食，咁通常都會加，但係無野飲就差少少。個湯就不過不失，有啲冬瓜片，唔係好多味精。泡菜同芽菜都正正常常，不過不失。