豚王 (新城市廣場) (已結業)

等了又等，豚王終於落戶沙田新城市廣場！老實講，同其他分店冇乜大分別，唯一好處係可以用app去book定位，喺等位既時候可以四圍行下街，絕對可以善用時間！Anyway，是日叫左赤王同翠王，唔駛十分鐘就有野食，速度快得驚人。一向鐘意食辣野既我叫左「2辛」唐辛醬。麵質腍度剛好適中，入口有少少融化既感覺之餘又唔會好似一pat野咁。而腩肉剛剛好半肥瘦，小小肥膩增加口感之餘又唔會油腍腍咁，超正！唯一美中不足既係赤王本身既辣味，再加上超辣既醬令到overall既感覺有少少over左，建議下次食赤王最多只係叫「1辛」醬就夠晒喇！翠王方面，overall感覺比我想像中要失望。一心以為所謂芝士係新鮮芝士，點知只係芝士粉！而湯底既味道亦有D奇怪，就好似意大利粉Carbonara個sauce用水開稀之後再擺個麵落去，感覺怪怪的，雖然夠晒特別，但都只係可以只此一次，始終都係鍾意less is more既傳統豚王拉麵！Overall呢間豚王分店唯一既好處係可以用app去攞飛，唔駛等咁耐。Other than that無論食物質素、服務態度等等，都同其他分店大同小異。如果唔駛等位都OK既，否則喺人多到乜咁既沙田真係