唐記包點 (港鐵大埔墟站)

營業中

休息中

今日跟爸爸到大埔慈山寺，去完後返回火車站，打算坐鐵回家。但返家前想醫醫肚。見到火車站有間唐記包點，所以決定就地買返幾個點心醫一醫肚。今次仲買了支黑芝麻豆漿，好冰凍好爽。呢支豆漿不太甜，有淡淡的黑芝麻香。不錯。點心我們叫了三款。分別有鳳爪，竹分入味，而且份量都不少，好有風味。另外燒賣是真材實料，好好味，啖啖肉。當然有叫我至愛的春蛋燒賣，每粒都有一隻春蛋在上面。好滋味。因為現在已很少酒樓有呢款點心吃了，所以每次當我想吃時，我都會想起到唐記買返個春蛋燒賣，回味一下。爸爸仲點了一個叉燒包，他說唐記的包又大個，又鬆軟，所以十分喜愛。叉燒包味道好好，入面有好多叉燒醬及肉，好惹味。我們仲點了一隻糯米雞。糯米雞好足料又好巨大。好飽肚。入面仲有原隻雞中翼，炆到好腍身，好正。糯米軟軟綿綿，好吸引。而且仲有好多好香既汁醬。混合了肉類、火腿、蛋黃⋯⋯十分惹味。唐記最方便，隨時隨地都會看到分店，幾時想食，幾時想醫肚都得。