肥仔大排檔

營業中

休息中

食物大部份係有水準， 啫啫滑雞煲正， juicy同雞係好滑好入味。不過沙拉蝦球就係好差，蝦唔新鮮，沙拉醬唔好味。其他炸野都好食，四季豆都好好食。乳鴿唔夠juicy, 不過都合格嘅。但係環境就真係好唔得喇，雖然係室內同有冷氣，但係同室外大排檔差不多。好嘈，嘈到傾唔到計，仲有人猜枚，店員唔阻止，真係好惡頂。坐位非常迫夾， 檯與檯之間好窄，近乎與後面檯嘅人背貼背，多烏蠅，冷氣唔夠。價錢係抵嘅，不過環境真係唔得，未必有下次。