緬甸招牌湯米線 (已結業)

朋友介紹去何文田食晏晝，朋友話性價比幾高，重係香港少有嘅緬甸菜，一於試一試。全店只有兩張四人枱，四個座位，真真正正的小店。 開放式廚房，廚房兩個人，樓面兩個人。 條路真係肥啲都過唔到， 我呢啲標準身型啱啱好。點了緬甸風味咖哩雞飯， 估唔到個飯咁大，個最得人鍾意係分開上，個賣相已經靚咗好多，唔會似碟頭飯。麵甸咖哩一向著重香料，一食就知龍與鳳，估唔到咁有驚喜， 用料十足， 重估唔到仲有咁多件雞，件件都咁大件，真係男士都夠曬飽。仲有兩個汁俾你加分別係檸檬汁同魚露， 咖哩配埋檸檬汁，就會更加開胃，我都有試咗啲。至於魚露， 咖哩已經夠曬味，如果再落我驚會太鹹。飲品點了緬甸青檸蜜瓜椰果特飲，個人覺得味道甜了點，但還可以接受。下次再嚟要搵埋朋友一齊， 因為聽到原來佢個椰香飯都好似幾好食。