更多
2014-01-29
16967 瀏覽
團購見到，又睇過食評唔錯就買黎試下喇經理係門口負責安排入座，服務態度唔錯坐底嘅時候個爐已經開左，方便食物一黎就可以開始燒醬料方面有燒肉汁，檸檬白醋，味椒鹽鱆魚小丸子：太多粉，微暖，可以唔試天婦羅：蕃薯同南瓜做得唔錯刺身：好少款揀之餘都好孤寒，切得極之細塊，每人每次都只可分到一片，味道亦好普通黑豚肉，雞柳：無乜特別，試一轉就夠喇羊架：好大塊，味道都可以，不過厚左少少，所以比較難熟啲鯖魚：好味，燒香左個外層，入口又有魚油嘅香味。不過要記得唔好燒咁耐，唔係就會乾哂太子貝：已經加上少許牛油，燒嘅時候慢慢溶埋落去粒帶子到，好味大蝦：夾落去嘅時候覺得好梅，但食嘅時候又唔係噃，雖然講唔上有鮮味，不過都唔差嘅牛通常有幾款味道選擇：岩鹽，芥末，燒汁。全部都切到好薄身，好快就熟左可以食。雖然係薄，但好快就覺得夠，因為好油膩牛舌：本身我已經鍾意食牛舌，燒完之後入口好香，即刻re-order!牛胸腹：推介！好肥美，食完仲感覺到佢個浸油香一口牛：普通，我會選食多幾塊牛胸腹雖然燒到最後啲肉都開始會痴住啲黑色野，不過比起鐵板燒真係好好多，起碼燒左咁耐都唔洗轉板，又唔洗落油某店員都好細心，會放低隻碟同我地講呢隻係骨碟
經理係門口負責安排入座，服務態度唔錯
坐底嘅時候個爐已經開左，方便食物一黎就可以開始燒
醬料方面有燒肉汁，檸檬白醋，味椒鹽
鱆魚小丸子：太多粉，微暖，可以唔試
天婦羅：蕃薯同南瓜做得唔錯
刺身：好少款揀之餘都好孤寒，切得極之細塊，每人每次都只可分到一片，味道亦好普通
黑豚肉，雞柳：無乜特別，試一轉就夠喇
羊架：好大塊，味道都可以，不過厚左少少，所以比較難熟啲
鯖魚：好味，燒香左個外層，入口又有魚油嘅香味。不過要記得唔好燒咁耐，唔係就會乾哂
太子貝：已經加上少許牛油，燒嘅時候慢慢溶埋落去粒帶子到，好味
大蝦：夾落去嘅時候覺得好梅，但食嘅時候又唔係噃，雖然講唔上有鮮味，不過都唔差嘅
牛通常有幾款味道選擇：岩鹽，芥末，燒汁。全部都切到好薄身，好快就熟左可以食。雖然係薄，但好快就覺得夠，因為好油膩
牛舌：本身我已經鍾意食牛舌，燒完之後入口好香，即刻re-order!
牛胸腹：推介！好肥美，食完仲感覺到佢個浸油香
一口牛：普通，我會選食多幾塊牛胸腹
雖然燒到最後啲肉都開始會痴住啲黑色野，不過比起鐵板燒真係好好多，起碼燒左咁耐都唔洗轉板，又唔洗落油
某店員都好細心，會放低隻碟同我地講呢隻係骨碟，亦都非常積極收碟。放低食物時我同佢講唔該佢都有回我：唔洗客氣，非常有禮貌
接近離開前，有位男職員就冇乜禮貌喇。佢行埋黎話收啲點餐紙同調味料，我見佢隻手拎住咁多野唔方便咪幫佢拎囉，執左俾佢時唔該都冇講聲就話：紙，我又執俾佢，然後佢頭也不回咁行左去……
正所謂十功不能補一過，希望呢位員工唔好影響呢間店嘅形象喇
張貼
