鳴虎 (已搬遷) 新店位置

博多拉麵以幼麵同濃郁豚骨湯為重點，鳴虎係我認為係香港最抵食既博多拉麵店之一，其中香蔥油拉麵係我最愛，今日去左坑口分店，鳴虎分店係一田超市入面，堂食座位唔多。- 綠虎（四國香葱油拉麵）豬骨濃湯入面白大量香蔥，湯底味道濃厚之餘散發陣陣香蔥清香。麵底幾掛到湯，配料幾豐富，包括香蔥、木耳絲、紫菜同叉燒，另外仲有原隻流心蛋😍- 黑鳴虎（博多黑蒜蓉拉麵）豬骨湯香濃惹味，味道唔會太鹹，不過黑蒜味唔算好突出。配料同綠虎一模一樣，叉燒肥瘦適中。- 肉餃子一共有五隻餃子，外皮非常香脆，肉汁都好豐富。餐廳仲會送一杯熱茶，非常貼心。