COCO

營業中

休息中

最近尖沙咀美麗華酒店推出左以Fashion X 綠茶主題嘅afternoon tea。除咗tea set入面嘅食物有大部份都係綠茶製之外，連飲品都有綠茶類嘅選擇。至於Fashion主題就係afternoon tea set架係一個手袋造型，非常lady~我比較鍾意嘅係宇治抹茶竹炭泡芙，佢嘅外型夠晒型之外，除咗綠茶，入面仲有紅豆蓉，甜度恰到好處。第二喜歡嘅係宇治抹茶白朱古力慕絲個餅底好香脆，抹茶慕絲好幼滑而且綠茶味好濃，同樣幾正！仲有不得不提嘅係宇治抹茶紅桑子鬆餅，鬆餅上面仲有層綠茶粉末。出面比較少食到，備有忌廉同酒店自家製柚子果醬俾你點架！其他鹹點味道不過不失，有雞肉丶韭菜蘿蔔乾蛋批、鰻魚芝麻壽司卷，半風乾蕃茄芝士配紫薯脆片。飲品方面，每人可選一杯飲品，我同友人揀咗會發光、兼會變色嘅蝶豆花飲品同Iced Matcha Latte。蝶豆花飲品只需倒入檸檬汁，就會由藍色變紫色啦，不過味道幾酸，我就覺得麻麻地好飲。