泰玖 (已結業)

荃灣不嬲都好多嘢食，今日就試吓呢間餐廳樓高兩層，地下係長條型嘅bar枱，有個開放式廚房可以見到職員喺度燒烤同埋製作嘢飲，而樓上就係四人枱，空間寬敞，風格裝修走綠色輕工業風。睇完菜單，發覺嘢食都唔算貴，CP值好高，抵食夾大件，下次一定要嚟試埋佢哋嘅午市套餐。餐廳最近新推出咗沙冰飲品菠蘿活性乳酸菌屎樂冰$68🍍❄️🧊充滿玩味嘅名，材料有益力多，菠蘿，賣相好吸睛，清爽可口，酸酸甜甜，加上冰涼嘅口感。份量都好充足，可以兩個人share。金磚蒜蓉包$42⭐️長條型嘅麵包，鋪滿左蒜蓉，經過焗爐嘅烤焗，呈現住金黃色嘅色澤，真係好似一條條嘅金磚，賣相好吸引，令人食指大動，十分鬆脆，攞嚟沾上咖喱食一流！泰式紅咖竰牛腩$108牛腩炆到十分之淋滑，配料都好豐富，有茄子，車厘茄，金不換，四季豆等等。淋上香濃嘅椰汁，好惹味！鹽燒桂花魚$138桂花魚入邊用咗香茅調味，外面就用咗粗鹽包裹住，擺去火爐度燒，上菜個陣仲係熱辣辣，魚肉好嫩，可以點上泰式辣醬。泰式燒雞全翼$28 一隻