影片
更多
2023-11-23
24 瀏覽
一直都聽朋友講西環呢間墨西哥餐廳好食，在一個陽光燦爛嘅星期日我哋就過嚟試吓。餐廳好有特色，外牆油咗大大隻樹懶🦥，呢個感覺極襯星期日嘅心情。入到去系白色主調小屋仔，四周都用色彩繽紛嘅墨西哥元素飾品裝扮，小花園仲種咗好多仙人掌，透過玻璃窗嘅自然光，心情都特別好。超嫩入口即溶慢煮牛面肉，配薄餅3片。味道有驚喜，估唔到佢口感咁冧而且冇渣，用匙羹輕輕一襟已經散晒，入口嫩滑即化，將配埋嘅檸檬同芫荽碎加入湯內調味，再用薄餅夾住食，是大大滿足！牛油果蘑菇芝士奄列 奄列嘅蛋香味真係非常突出！上枱已經被佢吸引住，新鮮口感特別鬆軟係即叫即整，牛油果綿密同奄列好夾，蘑菇芝士餡冇令我哋失望，另外配有番茄莎莎，配埋食咬落口感層次豐富。Avocada Tostada 擺成花朵狀嘅牛油果 Tostada 賣相出色，底下用咗粟米脆片，非常有墨西哥特色！口感清新綿密，中間用車厘茄做花蕊，加上芝士點綴，系打卡必食推薦！Avocado Ice-cream呢個牛油果雪糕就係朋友口中大大推薦嘅必食甜品，雖然價錢比較貴，要88蚊，但真係值得一試！佢口感非常特別，系用牛油果殼裝住嘅雪糕，而雪糕系牛油果味，有種分唔出自已食緊雪糕還是牛
餐廳好有特色，外牆油咗大大隻樹懶🦥，呢個感覺極襯星期日嘅心情。
入到去系白色主調小屋仔，四周都用色彩繽紛嘅墨西哥元素飾品裝扮，小花園仲種咗好多仙人掌，透過玻璃窗嘅自然光，心情都特別好。
超嫩入口即溶慢煮牛面肉，配薄餅3片。
味道有驚喜，估唔到佢口感咁冧而且冇渣，用匙羹輕輕一襟已經散晒，入口嫩滑即化，將配埋嘅檸檬同芫荽碎加入湯內調味，再用薄餅夾住食，是大大滿足！
牛油果蘑菇芝士奄列
奄列嘅蛋香味真係非常突出！上枱已經被佢吸引住，新鮮口感特別鬆軟係即叫即整，牛油果綿密同奄列好夾，蘑菇芝士餡冇令我哋失望，另外配有番茄莎莎，配埋食咬落口感層次豐富。
Avocada Tostada
擺成花朵狀嘅牛油果 Tostada 賣相出色，底下用咗粟米脆片，非常有墨西哥特色！口感清新綿密，中間用車厘茄做花蕊，加上芝士點綴，系打卡必食推薦！
Avocado Ice-cream
呢個牛油果雪糕就係朋友口中大大推薦嘅必食甜品，雖然價錢比較貴，要88蚊，但真係值得一試！
佢口感非常特別，系用牛油果殼裝住嘅雪糕，而雪糕系牛油果味，有種分唔出自已食緊雪糕還是牛油果嘅感覺，冰涼中帶有牛油果嘅綿密，creamy又不失清爽，中間仲有芒果雪葩平衡口感. 賣相非常出色！
張貼
