初見

營業中

休息中

前幾日朋友啱啱生咗BB，我就去咗佢屋企探佢，我哋就去佢屋企樓下附近嗰度食咗啲嘢，呢間餐廳個名好特別，就有初次見面既意思。我就叫咗個板燒雪花牛肉，同埋一個小食。呢個就係板燒雪花牛肉，份量都幾多，除咗牛肉之外仲有蔬菜。因為個鐵板上面已經有油，店員建議我哋先燒蔬菜，因為蔬菜要燒得比較耐啲。跟住就燒牛肉，個鐵板溫度好熱，所以牛肉好快就燒得熟，牛肉個質地好嫩，而且入面仲有肉汁，仲有三款唔同嘅醬汁俾你點，我就比較鍾意點鹽，可以加強牛肉嘅鮮味。除咗食物之外，我仲好鍾意呢度嘅環境，好有大自然嘅感覺。因為牆上有綠化植物為主嘅，設計亦都以大自然為主，俾人好舒服嘅感覺。