銀咖哩 (已結業)

作為一個都市人，食嘢離不開快靚正。咁啱今日有工作要入天水圍要做，短短只有九個字嘅食飯時間。竟然俾我見到一間銀咖喱。於是乎入咗去食個快捷嘅午餐。望吓個Menu。最後決定食芝士照燒雞肉蛋包咖喱飯。雞肉份量非常之多。而且雞肉一啲都唔鞋，仲算幾滑添。芝士份量雖然唔算多， 但係芝士味香濃，作為芝士控嘅我，都覺得算係咁。另外蛋包飯蛋味香滑，而且炒得幾滑。最後講一講主角咖喱，咖喱味道係我鍾意嘅口味，而且唔會太辣，啱晒一啲怕辣但又想食咖喱嘅朋友。整體來講成餐飯性價比高，以咁嘅價錢食到咁嘅質素， 而家真係越嚟越少見。