Hungry Korean (D2 Place) (已結業)

今日係開返戲院同晚市堂食嘅第一晚，因為買左晚上7點幾d2 ge戲飛，所以要快快手手食完晚餐上樓上睇戲，放工過到黎得30-45分鐘時間食野，所以選左喱間。點完餐都好快上，叫左鐵板牛肉，炸粉絲卷，同埋蜜糖蒜蓉雞翼，3個都好味道，中意佢個炒牛肉有大量椰菜，好似健康d，不過都偏濃味，然後蒜蓉蜜糖雞翼啲蒜蓉都好重手，雞翼都好大隻。炸粉絲卷有四件，新鮮炸起，另外有個酸辣汁俾你點，都幾惹味，職員都幾有禮貌。可以encore。