風車

營業中

休息中

今日一家四口落大圍搵食， 見到呢間新開餐廳，裝修同環境都好唔錯。啱啱新開，人唔算多，可以慢慢坐，食完唔駛急住走。喺門口見到食物及價錢都幾吸引，一於入去試試。每個lunch set都有湯或沙律,主菜及一杯果茶， 以咁嘅價錢，是旦一間茶餐廳都要。我地叫左四個餐，分別係全日早餐、煎龍脷魚柳、煙三文魚什菌意粉及焗雞扒。全部買相及味道都唔錯。湯味道ok, 但唔夠creamy。龍脷魚柳算大件，香脆可口，d汁好creamy，但鹹左少少， 如果淡少少就perfect。全日早餐味道賣相相當吸引，好足料，1條大腸及兩片大煙肉， 多士夠脆仲熱熱地，而且仲有沙律菜伴碟，讚！煙三文魚什菌意粉味道適中，白汁濃度剛好，意粉上面放左花形三文魚，買相吸引，三文魚新鮮，入面仲有好多菇。焗雞扒雖然唔算特別，但都睇得出用心制作， 層皮焗得夠脆。整體表現：平、靚、正，值得推介！