影片
更多
2020-11-24
22 瀏覽
以前住北區間唔時都會去聯和墟覓食，雖然個度墟仔細細，不過都有唔少美食，例如懷舊西餐廳🍴、港式豬手🐷、日本人開設既拉麵店🍜、潮州老店🥢等等，可以話係麻雀雖小，五藏俱全🤗自從幾年前搬離後都比較少再重臨舊地，早幾日收工後特登入聯和墟探望朋友同佢既小朋友👶🏻，發現好多以前既食店🍽已經換左畫，變得好陌生🥺.本來煩惱到底要買d咩上去朋友度，朋友就推介左佢屋企樓下有間唔錯既越南菜館，經濟實惠之餘味道都唔錯，叫我不如直接買個晚餐上去醫飽佢個肚會比較實際😂，所以最後就去左呢間菜館度買外賣🥡菜館係菜式上既選擇都幾多，一向有選擇困難症既我睇左好耐，最後都係決定點個套餐省卻煩惱🤣 晚市套餐共有3款二人套餐、四人套餐同六人套餐，平均每人百零蚊鬆d就食到幾款菜式，都叫做幾抵食👌🏻******************************🥢二人套餐 (B) ($228)✨前菜小食🌯小食有兩隻香茅雞中翼同兩件春卷🌯，雞中翼香脆可口，香茅味夠入味；春卷裡面包有芋頭粒，有d似係中式酒樓食到既炸芋角咁，就算係外賣🥡都依然保持到酥脆既口感👍🏻-✨黃咖哩雞煲🥘主菜有黃/青咖哩牛腩🐮或雞煲🐔可以揀，考慮到朋友仲親餵緊不便食太辣
以前住北區間唔時都會去聯和墟覓食，雖然個度墟仔細細，不過都有唔少美食，例如懷舊西餐廳🍴、港式豬手🐷、日本人開設既拉麵店🍜、潮州老店🥢等等，可以話係麻雀雖小，五藏俱全🤗自從幾年前搬離後都比較少再重臨舊地，早幾日收工後特登入聯和墟探望朋友同佢既小朋友👶🏻，發現好多以前既食店🍽已經換左畫，變得好陌生🥺
.
本來煩惱到底要買d咩上去朋友度，朋友就推介左佢屋企樓下有間唔錯既越南菜館，經濟實惠之餘味道都唔錯，叫我不如直接買個晚餐上去醫飽佢個肚會比較實際😂，所以最後就去左呢間菜館度買外賣🥡
菜館係菜式上既選擇都幾多，一向有選擇困難症既我睇左好耐，最後都係決定點個套餐省卻煩惱🤣
晚市套餐共有3款二人套餐、四人套餐同六人套餐，平均每人百零蚊鬆d就食到幾款菜式，都叫做幾抵食👌🏻
******************************
🥢二人套餐 (B) ($228)
✨前菜小食🌯
小食有兩隻香茅雞中翼同兩件春卷🌯，雞中翼香脆可口，香茅味夠入味；春卷裡面包有芋頭粒，有d似係中式酒樓食到既炸芋角咁，就算係外賣🥡都依然保持到酥脆既口感👍🏻
-
✨黃咖哩雞煲🥘
主菜有黃/青咖哩牛腩🐮或雞煲🐔可以揀，考慮到朋友仲親餵緊不便食太辣就選擇左黃咖哩雞煲🐔
大概因為雞件既雞皮帶油令到黃咖哩既汁底油左少少🤏🏻，不過都係正常既現象👌🏻；咖哩既味道食落甜甜地，椰汁味🥥都幾香，如果送飯🍚食絕對會非常開胃😋 (可惜當日朋友話唔想食飯，要試薄餅同蒜蓉包🙈)
雞件🐔大約有十件左右，每件既大小比起其他餐廳來得大件，肉質都幾嫩滑，不過就略嫌唔太食得出調味🤨
咖哩內仲有青紅椒同幾舊薯仔塊🥔，由於薯仔塊經過油炸，味道食起黎就更為惹味😋
-
✨蒜茸炒芥蘭🧄🥬
當日有菜心/生菜/通菜/芥蘭🥬4款時菜供應，可以揀馬拉盞/蒜茸去炒；之前既食評都有提及過，個人認為係餐廳食到既芥蘭通常會比自己係屋企炒既更好食，所以呢日都唔例外，選擇左蒜茸炒芥蘭🙉
打開盒炒芥蘭既時候發現份量都唔少，餐廳出手都幾大方🤗 芥蘭調味唔會好鹹亦唔會炒到好油，個人幾滿意佢夠清，可以令呢一餐無咁heavy👍🏻
雖然叫做蒜茸，其實係係芥蘭上面加左炸蒜片，食落唔會好大陣蒜味🧄，怕蒜頭味既朋友可以唔洗咁擔心🤣
-
法包＆薄餅🥖
呢度都算幾有彈性，有得任揀兩份白飯🍚/法包🥖/薄餅，當日按朋友要求就揀左法包同薄餅
法包🥖一份有4片，屬於軟綿綿個款而唔係長法包，沾咖哩汁黎食直頭係一流😋
薄餅同樣有4片，口感酥脆而煙韌，重點係拎上手個下唔會搞到成手油🙆🏻♀️ 可惜酥皮既質感始終難以掛汁唔太適合沾咖哩黎食，如果閣下同我一樣鐘意食咖哩，建議揀返白飯/法包會比較好🙈
-
✨腐竹雞蛋糖水🥣
呢度晚市套餐有埋糖水，係非常圓滿既一餐🙉
腐竹同蛋花🥚都幾足料，糖水底唔會過甜，味道都唔錯，不過如果可以有埋白果就更好啦🤣
-
✨三色冰🍹 (加配$17)
套餐可以加8蚊有港式冷熱飲品☕️，亦可選擇加17蚊有越式特飲🍹 當日外賣🥡左杯三色冰，香濃既椰汁🥥配以綠色粉條、綠豆同羅勒籽，飲落口感非常豐富，同台式飲品相比完全係不相伯仲，各有特色🤩
******************************👧🏻人均消費：$125
😋味道指數：3.5/5
💰抵食指數：3.5/5
🪑環境指數：3.5/5
💁🏻♀️服務指數：3.5/5
👍🏻再訪指數：3.5/5
-
📍越瀧棧
地址：粉嶺聯和墟聯和路3號富貴樓地舖
⏰營業時間：11:00–21:00 (Mon–Sat)；
🅞🅕🅕 (Sun)
張貼
