我地四個人去食, 每人叫一碟小食, 加一個海鮮炒金邊粉
整體既水準唔錯, 有幾樣覺得係水準之上想介紹一下
冬陰豬頸肉金邊粉, 豬頸肉煮得嫩, 肉夠肥, 唔錯
冬陰公最緊要係酸辣, 個人覺得個辣味比較出, 但都不失個酸味
好多時係出面食都會配菜呀草菇呀都唔入味, 呢道就冇呢個問題, 真係唔錯!
見到都已經流哂口水既泰式鳳爪, 係我最鐘意既冷盤!
夠酸夠辣夠爽口, 冇骨鳳爪肉啖啖好滋味
個人鐘意夾埋紅蘿蔔絲黎食, 味道豐富D
泰式炸蝦餅就不過不失, 因為上個枱個時唔係個種熱烘烘, 咬落鬆脆
不過個味道都唔錯既, 蝦肉味都豐富, 個醬都出色, 加番d分
